hor.de   |   Gedichtsammlung   |   Wörterlisten   |   Notizen
 

Heinrich von Morungen

XIV.   Mîn herze, îr schoene und diu minne

Mîn herze, ir schoene und diu minne habent gesworn
zuo ein ander, des ich waene, ûf mîner vröuden tôt.
zwiu habent diu driu mich einen dar zuo erkorn?
ôwê, minne, gebent ein teil der lieben mîner nôt,
Teilent si ir sô mite, daz sî gedanke ouch machen rôt.
wünsche ich ir senens nû? daz waere bezzer verborn.
lîhte ist ez ir zorn,
sît ir wort mir deheinen kumber gebôt.