hor.de   |   Gedichtsammlung   |   Wörterlisten   |   Notizen
 

Carl Spitzweg

Mei Dachstubn

Logier in a Dachstubn,
Und da bin i gern,
Da siech i gar weit rum
In d' Höh und in d' Fern.

Da tramt mir der schönst Tram,
Wie d' Engerln rum fliegn -
Die drunten, die sehns kam,
Die über oa Stiegn.

Da guck i frohseli
In d' Himmelwelt naus,
Bis kummt z'letzt Micheli,
Da zieh i dann aus.

Mi tragts, wenns a wenig
Is weiter ins Grab,
Daß i - notabeni -
Net selber z' steign hab.

Und hoff, wenn i dro kimm
Und 's Sterbgewand onhab,
Daß i so an Tran nimm
Mit abi ins Grab.