Carl Spitzweg

Der Weisheitszahn

Wart allweil auf den Weisheitszahn,
Die andern fallen aus -
I denk, i zieh mein Pelzrock an
Und geh schön stat nach Haus!

Was hilft denn a dös Warten jetzt,

Dös Herstehn da im Schnee;
Da könn i mi verkältn z'letzt,
Dös Gscheitest ist - i geh!

Zur Einsicht bin i endli glangt,
Den krieg i nimmer - i!
Allweil hat mir vor Weisheit bangt:
An Zahn hats ghabt auf mi!